സ്വാഗതം

പടന്ന ഗവണ്‍മെന്റ് യു പി സ്കൂള്‍ ബ്ലോഗിലേക്ക് സ്വാഗതം

പുതുവത്സരാഘോഷം 2015



പടന്ന ഗവണ്മെന്റ് യു പി സ്‌കൂളില്‍ വ്യത്യസ്‌ത ക്ലാസ്സുകളുടെ ആഭിമുഖ്യത്തില്‍ നടന്ന പുതുവത്സരാഘോഷം കേക്കുമുറിയും മറ്റ് വ്യത്യസ്‌ത പരിപാടികളും കൊണ്ട് ശ്രദ്ധേയമായി. കുട്ടികള്‍ സമ്ാനപ്പൊതികളും മിഠായികളും ലഡുവും മറ്റും പരസ്പരം കൈമാറിയും പുതുവര്‍ഷത്തിന്റെ ഒന്നാം ദിനം സന്തോഷഭരിതമാക്കി.

സാമൂഹ്യശാസ്‌ത്ര ക്ലബ്ബിന്റെ പഠനയാത്ര

പടന്ന ഗവ. യു. പി. സ്‌കൂള്‍ സാമൂഹ്യശാസ്‌ത്ര ക്ലബ്ബിന്റെ ആഭിമുഖ്യത്തില്‍ കണ്ണൂരിലേക്ക് പഠനയാത്ര നടത്തി. ചരിത്ര പ്രധാനമായ അറയ്‌ക്കല്‍ കൊട്ടാരം, ചിറയ്‌ക്കല്‍ മ്യൂസിയം, സെന്റ് ആഞ്ജലോസ് കോട്ട, വിനോദ സഞ്ചാര കേന്ദ്രങ്ങളായ പറശ്ശിനി പാമ്പ് വളര്‍ത്തു കേന്ദ്രം, പയ്യാമ്പലം എന്നിവ പഠനയാത്രാസംഘം സന്ദര്‍ശിച്ചു. സ്‌കൂള്‍ സാമൂഹ്യശാസ്‌ത്ര ക്ലബ്ബ് കണ്‍വീനര്‍ കെ. പ്രീതി ടീച്ചര്‍, സീനിയര്‍ അസിസ്റ്റന്റ് ബാലകൃഷ്ണന്‍ നാറോത്ത്, ഗീതാകുമാരി, രാമചന്ദ്രന്‍, നാരായണന്‍, ചന്ദ്രിക എന്നിവര്‍ യാത്രാസംഘത്തെ നയിച്ചു.

ഓണമെത്തും മുമ്പെ പടന്ന ഗവ. യു. പി. സ്‌കൂളില്‍ മാവേലിയെത്തി കുട്ടികള്‍ക്കും അധ്യാപകര്‍ക്കും ഓണാശംസ നേര്‍ന്നു




ലോക നാട്ടറിവ് ദിനം

ലോക നാട്ടറിവ് ദിനം
വെള്ളച്ചി മുത്തശ്ശിയുമായി അനുഭവം പങ്കിടലും നാട്ടിപ്പാട്ട് അവതരണവും പായ, ഓല മെടയലുമായി ഒരു ദിനം........... കുട്ടികള്‍ക്കും അധ്യാപകര്‍ക്കും രക്ഷിതാക്കള്‍ക്കും നവ്യാനുഭവമായി.



കാര്‍ത്തിക്കിന് പ്രത്യേക സമ്മാനം

സ്വാതന്ത്ര്യദിന, ഹിരോഷിമദിന എല്‍ പി തല ക്വിസ് മല്‍സരങ്ങളില്‍ വിജയിച്ച കാര്‍ത്തിക്കിന് നാലാം ക്ലാസ്സുകാരുടെ സമ്മാനം ശ്രീമതി.സി.ശ്യാമള ടീച്ചര്‍ നല്‍കുന്നു



സ്വാതന്ത്ര്യദിനാഘോഷം2014


സ്‌കൂള്‍ അസംബ്ലിയില്‍ പി.ടി.എ. പ്രസിഡന്റ് ശ്രീ.ഇ.പി.പ്രകാശന്റെ സാന്നിധ്യത്തില്‍ ഹെഡ്‌മാസ്റ്റര്‍ പതാക ഉയര്‍ത്തി. ദേശഭക്തിഗാനം, സ്വാതന്ത്ര്യദിനസന്ദേശറാലി, പായസദാനം എന്നിവ നടന്നു.















ആഴ്‌ചയിലൊരു ലഘു ചിത്രം

അധ്യാപകനായ അനൂപ് കല്ലത്ത് സംവിധാനം ചെയ്‌ത "നിധി" എന്ന ഷോര്‍ട്ട് ഫിലിം മള്‍ട്ടിമീഡിയ റൂമില്‍ കാണിച്ചപ്പോള്‍........